Rastak

Rastak edo ile-sorta korapilatuak berez rastafarienak dira, baina gaur egun hiriko edozein tributara zabalduta daude.

Mitoak hautsi nahi ditugu, eta esan nahi dizuegu zaindutako rastak ez direla ez zikinak, ezta usain txarrekoak ere; zure buruko larruazala maiz garbitu eta zaindu ahal izango duzu. Dotore mantentzeko, gutxi gorabehera hilean behin egin behar da mantentze-lana, sustraien hazkuntza eta sor litezkeen iletxoak pixka bat ukitzeko.
Rastak eskuz eta erabat naturalki sortzen ditugu horregatik buru guztian sortzea prozesu neketsua da, beraz, ordu batzuk beharko ditugu lana burutzeko, eta batzuetan, prozesua hainbat egunetan zatituko dugu. Dena dela, esfortzuak pena mereziko dizu, ondo zaindutako rastak urte luzez eraman daitezke eta; izan ere geroz eta denbora gehiago izan orduan eta politago ikusten dira rastak.
Rasta gutxi batzuk egin nahi badituzu nahiz buru osoan egin nahi badituzu, aldez aurretik ikusi beharko zaitugu balorazio bat egiteko.
Dagoeneko badituzun rastak konpontzera ere gerturatu zaitezke.